Libudsuroy, stranded individuals giakumodar ni Niñal

(The Freeman) – July 6, 2020 – 12:00am

CEBU, Philippines — Si Kapitan Clifford Jude Niñal sa Barangay San Nicolas Proper ang niakumodar na usab og gatusan ka libudsuroy o street dwellers ug mga local stranded individual diha sa iyang barangay.

Sukad sa pagsugod sa community quarantine niadtong buwan sa Marso niining tuiga si Niñal niakumodar na kini og gatusan ka street dwellers ug stranded individuals.

Gawas sa pagpasilong diha sa ilang barangay gym, si Niñal nipagawas kini sa iyang kaugalingong kwarta alang sa pagkaon sa maong mga street dweller ug stranded individuals.

Ug sa maong gibuhat ni Niñal adunay mga pribadong organisasyon ug indibidwal ubos usab sa pag-abag sa presidente sa SK Federation ug Konsehal Jessica Resch ang nihatag og tabang aron makasustiner sa mga gikinahanglan sa nahisgutang street dwellers.

Si Niñal nakaloag na unta kini dihang ang siyudad gipaubos na sa general community quarantine apan niadtong Hunyo 15, ang Dakbayan sa Sugbo gibalik kini ngadto sa enhanced community quarantine.

Ug ang mga street dweller kinahanglan kining iakumodar na usab aron sila ma-monitor paglikay sa pagkatap sa virus.

“Nidaghan na pod ni sila karon. Kapin sa gatos na pod. Problema na pod asa ta’g ipakaon ani nila. Lisod man pod og ato rang pasagdan.Simbako’g mataptan ni sila’g covid, unya gasuroy-suroy ra bisan asa, samot ang atong problema ani”, matud ni Niñal. Freeman/BDB



Source:

https://www.philstar.com/cebu-news/2020/07/06/2025988/libudsuroy-stranded-individuals-giakumodar-ni-nial

Comments

Leave a Reply

Your email address will not be published. Required fields are marked *

Sign In

Register

Reset Password

Please enter your username or email address, you will receive a link to create a new password via email.