Unang batch sa gi-quarantine sa Brgy.. Luz mahuman na, apan


Unang batch sa gi-quarantine sa Brgy.. Luz mahuman na, apan

Caecent No-ot Magsumbol (The Freeman) – May 4, 2020 – 12:00am

CEBU, Philippines — Nakakompleto na sa ilang 14-adlaw nga quarantine diha sa isolation center sa Brgy. Luz diha sa Bo. Luz Elementary School sa Cebu City ang unang batch nga pulos positibo sa coronavirus (COVID-19) apan mga asymptomatic ug pulos taga Sitio Zapatera.

Apan sa pagsuwat ning balita, wala pay abiso gikan sa City Health o sa Barangay officials ug health workers kun papaulion na sila balik sa ilahang sitio tungod kay hangtud karon gipaubos pa sa lockdown ang maong dapit.

Ang unang batch 67 ka buok ug may nadugang nga usa nga gikan sa Cebu City Medical Center nga kuwang pa og mga adlaw sa isolation.

Usa sa mga pasyente nga nakahinabi sa The Freeman igsuong pamantalaan sa Banat News, kini mitug-an nga basin anha pa gihapon sila magpabilin sa eskuylahan kay dunay nga positibo nga nag-home quarantine lang samtang dunay uban nga gituohan nilang naa ani nga virus nga wala pa mapaubos sa test.

“Dili pa mi kauli ani sa amoa. Wala man pud mi laing choice asa man ni muadto pud kung daghan pa ng cases sa amoa, wala pa pud na swab test ang uban, unya infected ang lugar. Magbalik-balik ning sakit namo ani,” matud pa ni Roy Genares.

Gawas sa maong batch, aduna pay 59 usab nga taga sitio Zapatera ug uban pang gikan sa sitio Sto. Niño ug San Vicente ug kadtong lima gikan sa CCMC ug usa sa Vicente Sotto Memorial Medical Center nga naa sa maong tunghaan.

Hinuon wala gisagol sa usa ka building ang matag batch. Ug kada adlaw gikuhaan sila og temperatura, gipatumar og mga tambal apan naa sa mga pasyente kun unsay ilang buhaton aron molagsik ug dili ma stress.

Si Genares maoy nangulo sa pagpahigayon og Zumba-type exercise kada adlaw, naghimo sab sila og prayer sessions ug ang mga bata nga positibo sa COVID gipaubos sab sa “debriefing” activity sugod niadtong Sabado.

Genares kinsa usa ka school principal ug kanhi guidance counselor pinaagi sa tabang sa mga social workers sa gawas gamit ang internet nitabang sab sa pagpasabot sa mga bata.

“If ini’g test, mag-double negative na ko, I can already transfer leadership to students here. So that even in my absence, dili sad sila magproblema ug maguol diri,” matud niini.  The Freeman/IBM


Source:

https://www.philstar.com/cebu-news/2020/05/04/2011654/unang-batch-sa-gi-quarantine-sa-brgy-luz-mahuman-na-apan

Check Also

Cebu City villages to get P1 million in aid

Cebu City villages to get P1 million in aid Alicia Ivy L. Chua (The …

Leave a Reply

© CebuCentral.Com